B&O PLAY首推真無線耳機Beoplay E8

又係真無線耳機！B&O PLAY不甘後人，最近亦都加入咗呢個行列，推出Beoplay E8。頂級嘅音質，加埋時尚嘅設計，唔知會唔會吸引到你呢？

Beoplay E8由著名嘅Bang & Olufsen調音，音色細緻、圓潤，設有4種透明模式，用家能根據唔同需要，自行控制背景聲浪嘅大小，享受音樂嘅同時，可以兼顧埋周遭嘅環境，非常貼心。耳機亦提供多種聲音情境，無論你處於咩環境，進行緊咩活動，都可以取得最佳嘅聽覺效果。

Beoplay E8採用輕觸式嘅設計，只要觸碰耳機上嘅面版，就可以做到播放音樂、轉換歌曲、接聽來電等操作，方便又直接。耳機防濺水防塵，叉滿電之後能夠播足4個鐘頭音樂，配合充電盒使用，仲可以提供多兩次額外充電，加埋夠聽大半日，完全唔使擔心唔夠電。耳機有2款顏色選擇，黑色及炭灰色，售價為HK$2,698。

Comments

comments

Powered by Facebook Comments