咦~有陣味喎!

咦~有陣味喎!

你部電話用緊咩鈴聲?流行曲、KPOP、JPOP、經典名曲定係電話內置鈴聲?有冇聽到厭又覺得轉鈴聲好煩?有冇試過開錯靜音搞到MISS咗啲好重要嘅電話?但其實電話響又唔一定要聽到鈴聲先知道嘅,用下個鼻就得啦!

絕對唔係講笑,宜家我哋多數都靠鈴聲(聽覺)、屏幕閃光(視覺)、震機(觸覺)嚟接收電話嘅信號,但就算用咗咁多方面感觀都好,我哋都會聽漏幾個電話,因為只要放遠啲或者開咗靜音就好容易聽唔到電話響。平時我哋一嗅到有少少異味即時會有反應,所以Qblinks整咗隻「iScent」,用氣味代替聲音、用煙霧代替訊號。

5

 

 

 

 

 

 

「iScent」外型同英國城堡一樣,利用3D打印技術製成,高度同普通電話差唔多。咁夠竟佢點樣用氣味代替鈴聲呢?對「iScent」嚟講用3D打印嘅好處,除咗快捷、方便、堅硬不易破壞、適合任何設計和低成本外,更因為打印物中間係空心。「iScent」喺空心位置入面放咗一個煙霧感應器,利用最新藍芽4.0同手提電話做無線連接,咁當電話響嘅時候就會噴出煙霧。

6

 

 

 

 

 

 

用一個普普通通嘅容器(用完嘅膠樽都可以架!)加入適量嘅水及少量香薰精油,跟住將煙霧感應器擺入容器,噴孔對準外殼城堡頂上小孔就大功告成!如果大家電話成日都響就唔好放太多香薰精油,唔係啲煙噴得太多就適得其反架啦!

31

 

 

 

 

 

 

 

 

 

 

 

 

 

 

 

 

 

 

「iScent」除咗有電話打入嚟會噴煙之外,都可以設定有其他通知嘅時候都噴煙架,就好似Facebook、Twitter、Whatsapp、E-mail、Calendar、Skype、WeChat等等都得架!如果想明確啲分開邊個係電話響、邊個係通知訊息,都可以連接兩個iScent,分兩種味就得啦!

82

 

 

 

 

 

 

 

 

 

 

 

 

 

 

 

 

喺公司,成日都怕個電話鈴聲嘈住哂,熄咗又怕電話響唔知道,放番個「iScent」就咩都唔洗怕啦!又可以當小擺設,真係一物多用呀!「iScent」平時以USB叉電,可以支援IPhone4S/5/5S/5同Android4.4以上。有白、灰、啡三隻色揀,預售價每個$35美金,三個$120美金,大約12月就可以量產,真係買佢創意都抵呀!

REF: http://qblinks.com/iscent

Comments

comments

Powered by Facebook Comments