夏日沙灘之選Logitech UE Boom 藍牙揚聲器

經過一星期既落雨天，大家一定好期待太陽伯伯既出現啦~一到夏天，除左有猛烈既太陽，隨之而來既係30幾度高溫，真係熱辣辣，熱死人啦，不如就係呢個weekend去個沙灘，享受下夏天既感覺啦~

Logitech UE 一向都係推出耳機居多，但其實都係有賣揚聲器既。Ultimate Ear UE Boom以防水為賣點，最適合戶外用家，特別去沙灘既時候就更方便啦，可以一路聽歌一路曬太陽=D重點係防水既能力都係有一定既保證，因為廠方仲有示範埋潑水（但千其唔好浸係水中太耐）之餘，仲真係意外地由四尺高既地方將 Boom跌係地上，而整個過程都可以正常播放音樂。

 

軟體黎講，除左可以使用 NFC 配對之外，Boom 都可以搭配專用既 iOS 或 Android app，將兩隻 Boom分別作為左右聲道輸出，但以其HK$1,699既定價，應該唔會有很多人願意買兩隻黎咁用……

UE Boom作為全球首部提供 360 度立體聲音效既藍牙揚聲器產品， 360 度輸出以外仲加入左防水防撞等機能，好明顯以戶外使用者為主要銷售目標。UE Boom揚聲器體積雖然只有約 2 罐飲品既大小，而且充電後，可長達 15 小時既播放，就算長時間係户外使用，都唔需要擔心電量不足既問題。

黎緊將推出紅、藍、黑、白四色既佢，造型大小可以同單車既水樽架配合，而音量都非常大，足夠係沙灘之類既開放環境使用。

 

Comments

comments

Powered by Facebook Comments