聽歌唔用耳仔點聽?!

做運動當然要有音樂先至夠起勁，身體會不以為意跟住音樂嘅節拍跑動。不過，運動時耳筒、耳機都容易跌出黎，又或者長時間塞住隻耳仔會痛唔舒服。想唔塞住耳仔又可以聽到歌?

除左開電話喇叭呢個超原始辨法之外，可以試下呢個骨傳導藍芽耳機！透過不同頻率嘅機械振動，將聲音傳送至聽覺神經，聲音唔洗透過耳膜都聽得到。

今日介紹骨傳導耳機主角係AfterShokz嘅Bluez 2。作為第二代嘅Bluez比第一代輕巧，更加入不少為愛運動朋友嘅貼心設計。就外觀上一看，第二代嘅外型已經細左一個碼，加上薄身嘅設計減少了２０％嘅重量，令用家頭戴嘅負荷大大減少！

運動時不免跑跑跳跳，所以Bluez２加了一個快拆鬆緊帶，堅固耳機嘅位置。而機身採用了納米塗層和防水塑膠墊片，經過４小時嘅汗水澆淋測試，就算大汗啲嘅朋友都唔怕整壞耳機啦！AfterShokz知有唔少朋友會夜晚跑步，所以附送反光貼紙比用家貼上耳機，就算喺夜晚都唔怕人哋睇你唔到！

年輕人出街都鐘意一面行一面聽歌，有時候太過投入，身邊有人叫你都唔知道！如果冇打招呼最多當你無禮貌，但如果喺馬路聽唔到人哋提你有車衝緊過0黎，可能就會出意外啦！所以要聽歌又要聽到其他周圍環境嘅聲音就可以選擇呢款骨傳導耳機。其實Bluez 2可以用黎聽電話添！擁有雙咪高峰及DSP深度降噪嘅技術，就算幾嘈嘅環境都聽得好清楚，唔洗特登講大聲啲。