PUFF.HK 流行食玩樂資訊媒體
“叮噹”唔係講緊卡通人物，係門鐘呀！除咗“叮噹”之外，都有啲係用兒歌做門鐘嘅，但有冇諗過門鐘其實可以自己彈出黎?！美國有位賣樂器嘅老闆Dave Lynch嫌”叮噹”太普通啦，所以黎個吉他版嘅門鐘令佢間樂器店變得更有特色！
呢一款嘅吉他掛咗係門楣上面，然後就係門嘅頂部加上撥片裝置。只要有人出入，撥片就會彈動弦線，造到好似有人用手彈吉他一樣。就算客人只係想入黎打個轉，都深深比個吉他門鐘嘅旋律吸引住，以後買樂器都第一時間諗起呢間鋪頭。呢位老闆除咗好有創意之外，生意頭腦一定都唔錯。
老闆的設計一早就比人發現，宜家已經開始成為佢嘅熱賣商品之一。要安裝呢嗰吉他門鐘一啲都唔困難，在牆上轉幾個小孔就可以將一把吉他牢牢地安裝喺門上，女生們自己都可以做得到。
平平無奇嘅生活磨練成大家變得規規矩矩，生活本來就應該多姿多采，貪玩嘅唔應該只係小朋友嘅專利。日常生活唔係番工，多啲樂趣自然就享受到多啲生活嘅快樂。大家都睇吓呢位老闆點樣娛工作於娛樂啦！
Comments
Powered by Facebook Comments
