情人節又到！如何暗示另一半減肥而不失霸氣？鋼製骷髏糖匙！

情人節又到，次次女仔都係比男仔快一步諗好送咩禮物，而男仔又有冇諗過送啲咩比女仔先係最有意義嘅情人節禮物呢？周街都見到嘅湯匙好似冇乜創意，而且又唔會有咩意義？咁不妨睇下Hundred Million設計嘅呢款骷髏造型嘅糖匙啦！

 

 

 

點解會講到呢隻糖匙會咁大意義？假如身為男朋友，同另一半直接講叫佢減肥，相信唔洗到情人節都已經同你”開年”，而呢隻骷髏糖匙真係可以用黎挖取砂糖之外，更附加一種警告意識，提醒你嘅另一半再食咁多糖就會。。。你明白的。

當你另一半拎起呢隻糖匙，除左會令佢慢慢減少落咁多糖之外，仲可以長期提醒你另一半唔可以再比自己增肥；當你另一半問到你點解要送呢份禮物比佢嘅時候，你就絕對可以理直氣壯咁答佢：「我唔係叫你減肥丫，我只係為左你嘅健康著想，等你唔好落咁多糖丫。」如果另一半係骷髏造型粉絲咁就仲可以加多句：「因為呢隻糖匙係最新出，知你實鍾意丫嘛！仲可以叫你減肥添！」

邊到買？而家仲係Kickstarter集資中！所以情人節都係送住另一份先啦！（真係送呢樣我諗你應該可以番屋企跪Keyboard到星期六啦～）

祝大家情人節快樂！

Comments

comments

Powered by Facebook Comments