PUFF.HK 流行食玩樂資訊媒體
情人節又就快到，講起情人節，正正常常嘅感人情節已經變到唔夠吸引，同時浪漫類型嘅產品吸引力亦相對被降低。仲諗緊送啲咩可以吸引到另一半之外又可以留得住佢個心？不妨送怨念貓防塵塞比佢啦！
絕對有理由相信呢六隻貓會幫你留得住情人嘅心，因為當佢哋想打電話比其他異性嘅時候，隻貓就會聚集怨念！嗚哇哇哇！你嘅情人好可能因為隻貓嘅怨念而諗到你發嬲個樣！
其實呢款貓貓防塵塞並唔係冇名架，佢哋叫做「貓魂」（聽名都知點解啦），一套六隻，隻隻都有極怨恨嘅眼神，仲有鬼火喺個頭上面！一用已經覺得好大股怨念啦，哈哈！
咁當然啦，叫得佢做「貓魂」就當然冇腳架啦，所以貓貓嘅下身亦都同日本幽靈一樣只係得條尾架ja。
點睇都覺得「貓魂」會令到你身邊怨念上升，真係好恐怖但係又好吸引喎！快啲送隻比你嘅另一半啦！情人節禮物都幫你哋諗埋～係咪好細心呢？
Comments
Powered by Facebook Comments
