可摺疊熱水壺NOVEL

好多時旅行既時候都想有個電熱水壺，得閒可以食下杯麵又或者飲下暖水暖下胃，但係傳統既電熱水壺又大又笨重，實在難以想像係個旅行箱到再放一個咁阻位既野…既然咁多人有需求當然就會刺激到設計師既創意啦，呢個新產品摺疊熱水壺NOVEL就係由斯洛伐克設計師Stanislav Sabo所設計既，NOVEL可以令到使用者係旅行既時候唔使擔心冇熱水飲，仲可以比你沖埋咖啡飲都得~

 

設計師描述NOVEL話呢款電水壺全部採用對人體安全而且耐熱既材質製作，重要既係，可摺疊既最大功臣就係中間既耐熱矽膠，同時唔會造成漏水，仲有外層既防火隔熱材質可以減少被燙傷既機會。NOVEL同時冇用把手既設計，可以令到熱水壺摺疊後既體積更加縮小。

平時可以將NOVEL折疊成一個平板，咁就可以方便塞入包包裡面，需要用既時候只要打開接通電路就可以燒水—頂部有一個紅色三角，呢個係一個好令令既出水口，可以確保你倒水既時候唔會灑得到處都係。

另外底部既加熱墊採用電磁加熱既方法，收納既時候可以扣係熱水壺本體，避免帶左熱水壺但係唔記得帶加熱墊既糗事。

摺疊之後既熱水壺可以輕易咁放入隨身行李，不過咁方便既設計都仲係要依靠插頭黎供電，所以目前只可以係室內使用，或者未來許既設計目標就係可以利用可攜帶既電池加熱。而家摺疊熱水壺已經係當地申請專利，設計師都積極搵緊廠商進行量產， 好快就會係市場見到佢啦~

 

 

Comments

comments

Powered by Facebook Comments