情人節不再寂寞？iPhone保套殼隨時隨地比隻手你拖！

啱啱過咗情人節，喺街見到好多情侶拖住手行街街，如果你係未試過拖手仔，或者想搵番拖手仔嘅感覺嘅，而家只喺需要買一個iPhone保護殼就可以一嘗所願啦！

 

 

 

咁創新又大膽嘅理念唔洗諗都知喺嚟自日本架啦，呢個手機保護殼最特別（恐怖？）嘅地方係保護殼背面加左一隻觸感同外形像真度十足嘅「人手」！呢隻手係用左矽膠同乙烯基為物料，除左可以用嚟玩拖手仔同嚇人之外，放喺枱面更加可以成為電話嘅支撐，用嚟睇Facebook、Youtube同電影顯得非常方便。

 

 

 

 

 

 

貼心嘅設計同時另呢個保護殼有更多玩法，例如將隻「人手」水平放，可以變成擺放小物件，但無可否認呢個手機殼一定會喺你不知情嘅情況下嚇到人。

 

 

 

 

 

咁「細心」嘅設計，當然可以比唔同嘅「手形」你選擇啦，呢款產品同時提供孩子同女性兩個型號，想除時拖住女性纖細嘅手掌可以買Nami，而想拖小朋友手嘅就可以選擇Yamato。不過呢款保護殼唯一嘅缺點係目前只支援iPhone 4/ 4s，仲未有iPhone 5同5s版本提供，售價US$49.20（約HK$380），有興趣嘅朋友可以係網上樂天市場買得到。

 

 

 

 

 

 

Comments

comments

Powered by Facebook Comments