想隨時隨地都有80英寸屏幕?!無問題

 

喺屋企睇戲總係覺得個畫面唔夠大，身邊有位朋友更特意於家中安裝一部投影機及投影屏。但其實又唔洗咁大陣象嘅，可以買番部TouchPico玩吓架！呢個投影機唔單只可以用嚟播片或者睇相，仲可以用嚟打機、做Presentation、同畫畫添！

傳統嘅投影機只可以用嚟投放畫面或影像，而且器材都比較大件，需要一定嘅空間。但TouchPico除了比以往更多功能及智慧化外，外型大小與普遍嘅智能手機相約，內置了鋰聚合物電池能夠持續使用2.5小時，雖然只足夠睇一套戲多少少，但便攜、不受地區環境嘅規限就已經好重要啦！

 

 

 

 

 

 

 

 

至於投影嘅素質亦唔差架，TouchPico擁有0.3英寸嘅DLP可投影出80流明亮度，RGB LED燈泡可使用達20000小時。原生嘅投影分辨率為854*480（WVGA），提供1000：1嘅動態比和6500K嘅色溫，投影比例是1.6：1，而官方稱最大能夠投影80英寸屏幕。

 

 

 

 

 

 

 

 

 

 

 

 

 

 

 

 

 

 

 

 

當然，介紹得比大家就唔只係投影呢個功能啦！ TouchPico內置咗Android 4.0操作系統，設有1.6GHz嘅雙核ARM Cortex A9處理器，1GB嘅DDR 3內存同4GB嘅內置儲存。用家可以於Google下載遊戲及程式，再投放到任何一個平面即可使用。由於TouchPico裝有紅外線攝像頭傳感器，配合隨機嘅手寫筆發射端，收集信號進而對屏幕進行控制。

而TouchPico利用了802.11b/g/n Wi-Fi和HDMI端口連接智能電話及電腦。現時預售價為$349美金;今年十月就會正式發售架啦，到時零售價就係$499美金！想要就快啲入手啦！

 

 

 

 

 

 

 

 

 

 

 

Ref: https://www.indiegogo.com/projects/touchpico-turn-any-surface-into-a-touch-screen

Comments

comments

Powered by Facebook Comments