專登向日本取經！7-Eleven推高質飯糰

每次去日本旅行，都好鍾意幫襯便利店嘅飯團，貪佢又平又好食！早前7-Eleven就特登向日本嗰邊取經，跟從當地嚴格方式製作出全新「御之簡食飯糰」，質素有別於以往喺便利店食到嘅飯糰，優惠期間只售$9一個，大家仲唔快啲去上試吓！

最近7-Eleven又有新產品上架，佢就係啱啱推出嘅「御之簡食飯糰」，成個系列一共有四款口味，包括照燒鰻魚、炭燒雞肉、麻油三文魚及吞拿魚沙律。

飯糰由香港同日本7-Eleven經過不斷測試之後，共同研製所得，選材以至烹調方法一絲不苟。米飯以秘製日式鰹魚高湯煮成，浸泡同烹煮時間都係跟足黃金比例，而所使用嘅紫菜亦係嚟自日本，食落較為脆身，配埋精煮過嘅配料，絕對唔係平時食到嘅飯糰咁簡單。

御之簡食飯糰現於指定7-Eleven分店出售，5月24日至30日期間，更可以體驗價HK$9(一個)買到！

Comments

comments

Powered by Facebook Comments