PUFF.HK 流行食玩樂資訊媒體
適逢嚟緊係母親節，始創中心近日搞咗個圍裙展覽，一共展出60件，由20年代至60年代期間生產嘅古著圍裙，呢啲收藏品都係首次喺香港展示，極之珍貴！
展品均嚟自澳洲著名收藏家Morgan Wills，10年前，佢就開始著手搜羅古着圍裙，時至今日，收藏品已經多達350件，今次有幸可以見到其中嘅一小部份。
展覽所陳列嘅圍裙歷史悠久，由1920s至1960s都有，除咗反映出昔日嘅生活之外，亦都見證住圍裙咁多年嚟喺設計上嘅轉變，令人大開眼界。
為咗配合呢一系列別具特色及罕有嘅圍裙收藏品，商場更精心打造出一個甜品工房嘅場景，並設置咗精緻嘅巨型櫥窗同多組可旋轉嘅模特兒裝置，再加上紅紅藍藍嘅粉色佈置，洋溢住溫馨寫意嘅幸福氣氛。
母親節當日(14/5)仲會舉行圍裙fashion show及親子圍裙模特兒大賽，並請嚟藝人陳自瑤撐場，大家不妨帶埋媽咪一齊去支持一吓！
母親節「經典古着圍裙珍藏展」
日期：即日至5月14日
地點：始創中心地面大堂
Comments
Powered by Facebook Comments
