遊走海港城尋找韓國藝術足跡

講起韓國，唔少人對當地嘅流行文化，包括Kpop、韓劇、美食、打扮等都好有研究，但藝術方面，大家又知幾多？海港城現正舉行「三月拉闊藝術」展，一齊去尋找韓國藝術嘅足跡！

「三月拉闊藝術」展現正於海港城舉行，為期至到今個月28號。是次展覽以韓國藝術為主題，集結咗4位當地著名藝術家，包括金大成、權大訓、金起民及崔星喆所創作嘅個人作品，並分別於商場各處作公開展出。

其中藝術家金大成嘅作品，靈感取自《愛麗絲夢遊仙境》，將海港城對開嘅露天廣場打造成一個世外桃源。

而深受哲學家尼采所影響嘅藝術家權大訓，則帶嚟一系列充滿哲理嘅立體畫及雕塑品，非常值得大家欣賞及細味！另外，為配合崔星喆大師色彩搶眼嘅藝術裝置，逢星期六、日，商場更安排咗歌舞表演節目《聲色夢女孩》，等大家可以感受到不一樣嘅視覺體驗。

三月拉闊藝術@海港城
日期：2017年3月7日至28日
地點：海運大廈露天廣場、海洋中心「海港城‧美術館」、港威商場大堂I及港威商場大堂II

comments

PUFF.HK 流行食玩樂資訊媒體