玩到咁大？芫荽美食節你Buy唔Buy?

日本人鍾意芫荽嘅程度，可以用瘋狂嚟形容，除咗推出多款芫荽食品之外，嚟緊喺東京更會舉行芫荽美食節，召集一眾同好，但唔好芫荽嘅朋友，諗起都怕怕！

芫荽熱潮喺日本仲未完，而且仲有咁大搞咁大！5月31日至6月4日期間，喺東京新宿將會出現大型芫荽美食節，並且免費畀大家入場，屆時合共有18間美食店提供唔同類型嘅芫荽菜式，林林總總，食之不盡，有啲更可能係你諗唔到嘅，有機會嘅話，真係要去現場開吓眼界！

不過如果你好憎芫荽，最好有咁遠走咁遠，因為咁多芫荽一次過擺晒喺到，陣味肯定勁過平時十倍！點頂呀？

 

Comments

comments

Powered by Facebook Comments