由過萬朵花卉堆砌 ELEMENTS驚現隱世花園！

有冇諗過喺商場裡面都可以搵到世外桃園？唔係吹水呀，今個新春，ELEMENTS圓方邀請咗兩位國際知名嘅花藝大師，攜手打造出一個可以比喻為「雀鳥天堂」嘅隱世花園，為大家帶來一個鳥語花香，與別不同嘅新年！

臨近農曆新年，加上ELEMENTS圓方邁向十週年，雙重喜事，商場當然要隆重其事，所以特別搵嚟兩位好有份量嘅花藝大師，包括橫掃多個國際大獎嘅Dr. Solomon Leong及遠道而嚟，幫諾貝爾獎頒獎禮做過唔少設計嘅Alex Segura，以中西合璧嘅形式，精心設計出一個花、鳥共融嘅新春藝術裝置，為商場注入無窮生氣！

主題為「花間起舞振翅高飛」嘅藝術裝置由五個巨環所構成，分別代表金、木、水、火、土五種元素，當中動用咗過萬枝銀柳、桃花及牡丹等賀年花卉及穿插咗十隻彩雀作為裝飾。其中三米高嘅「金」環，就係由數百朵顏色閃爍嘅花朵拼湊而成；「水」環則係由三重不規則嘅玻璃圓環組成，再配上一層層精緻嘅花卉，好有時代感；而用上數千枚豔紅桃花砌成嘅「火」環亦都非常搶眼。除咗咁有特色嘅巨型花環之外，裝置嘅中央位置更豎立咗由過萬枝銀柳組成嘅巨型花束，再加上空中有兩隻金色巨鳥及過百隻飛鳥展翅高飛，營造出百鳥歸巢嘅感覺，何其壯觀！

ELEMENTS圓方「花間起舞 振翅高飛」
日期: 2017年1月17日至2月14日
時間: 10:00am – 10:00pm
地點: ELEMENTS圓方金區1 樓

Comments

comments

Powered by Facebook Comments