PUFF.HK 流行食玩樂資訊媒體
Emporio Armani日前宣布下半年有大企劃，就係旗下首款配有touch screen嘅智能手錶即將面世，並且邀請到人氣年青創作歌手Shawn Mendes為產品加持，未推出已經令人期待。
只有18歲嘅加拿大籍歌手Shawn Mendes，喺過去3年連續被《時代》雜誌評選為「最具影響力嘅青少年」之一，風頭一時無兩，佢活力創新嘅形象同Emporio Armani嚟緊推出嘅全新智能腕錶系列非常之夾，所以品牌專誠搵嚟Shawn Mendes合作，為新產品拍攝廣告硬照及宣傳短片。
喺9月份，Emporio Armani首款觸屏式智能腕錶系列就會正式登場，手錶由Android Wear 2.0驅動，支援iOS及Android手機。用戶除咗能夠透過屏幕即時獲得消息同通知之外，亦可查看天氣或地圖路線等重要資訊。裝置設有活動追蹤功能，能追蹤步數及其他運動數據，有助制定訓練目標。基本選項以外，用戶更可以從 Google Play直接下載多個應用程式，令用途更加廣泛。
另外，當中嘅自訂模式亦滿足到唔同人嘅性格，手錶一共有八款獨特嘅錶面同顏色組合任揀，設計完仲可以save低，方便隨時換，而且錶帶採用可更換式嘅設計，想要咩style都可以由自己話事，夠晒個人化。屆時，全新Hybrid Smartwatch智能腕錶系列亦都會同步推出，等大家有多個選擇。
全新腕錶系列將由9月14日起於全球Emporio Armani專門店、網上(www.armani.com) 及指定店鋪發售，詳細資訊可留意官網公布。
Comments
Powered by Facebook Comments
