《欠債要靠賭博來還》體驗賭仔三更貧五更富!

《欠債要靠賭博來還》體驗賭仔三更貧五更富!

賭仔三更貧五更富,呢一秒仲食緊白粥,下一秒可能住大屋。正所謂有賭未為輸,好彩嬴到就繼續搏,萬一輸咗就推個老婆出嚟撲(撲水)。最近有隻手機Game叫《欠債要靠賭博來還》,正正就係畀你體驗一吓賭徒嘅生活。

game04

game02

遊戲一開始,作為賭仔嘅你好成功咁爭落周身債,不過呢個時候你冇打算搵安信兄弟拆掂佢,亦冇諗過正正經經打份工,因為你深信啲錢喺邊到唔見就要喺邊到搵返。唔賭唔知時運高,有時手氣好,賭場馬、玩鋪老虎機、買吓獎券,咁就袋走人哋幾個月嘅人工,買得多嬴得多,盡地一鋪,隨時由細屋搬大屋。

game01

game03

就算一個唔好彩輸清光,輸到淨番條底褲,都仲可以推個老婆出嚟打工幫你還住啲息,然後自己依舊馬照跑、女照媾,繼續有錢唔還,收數佬成日上門喊打喊殺,呢種好似坐過山車嘅生活你真係頂得順?最後如果你發覺玩呢隻game玩到上晒癮,建議你打呢個電話號碼:2426 6262(戒賭熱線)。

Comments

comments

Powered by Facebook Comments