飲完失憶兼全祼？睡眠水究竟Work唔Work？

由日本可口可樂公司出品嘅機能飲料「睡眠水」(Glaceau Sleep Water)，聲稱有助改善睡眠質素，特別適合啲失眠、明明訓咗好耐但起身都仲係好攰、唔可以一覺訓天光嘅人士。呢款「睡眠水」標榜含有L-茶氨酸成分，水蜜桃口味，只有熱量５１卡路里，主要針對２０至４０歲上班一族。

自推出以來，評語好壞參半，有日本網友表示真係好訓咗，亦有人表示飲完都係訓唔到，最爆係有網友表示飲完之後失去咗短暫記憶，朝早起身果陣更發現自己係全祼…

 

我哋Puff.hk嘅好奇專員當然為大家試一試水溫，特別請人從日本空運咗幾支到港。

飲後感：首先，小編係啲間唔中都會失眠訓唔到嘅人嚟嘅，所以都抱住一個希望去試的。

第一啖飲落有小小甜，有陣好淡嘅水蜜桃味，好似水蜜桃果汁溝咗大量嘅水咁。訓醒係好似無平時起身咁攰，半夜亦都無起過身，一覺訓天光（關唔關呢支水事就真係証實唔到），但小編就好肯定無失憶同全裸啦，哈哈…

喺日本就賣緊１５１ＹＥＮ一支，約港幣＄１０﹐而家喺坊間炒價已經去到港幣＄４０至＄６０一支喇，香港暫時都未有得賣住，想試嘅朋友要等多陣喇！

Comments

comments

Powered by Facebook Comments