PhotoScan神還原 舊相即時翻生！

宜家影完相，唔需要再咁麻煩一張張曬出嚟，直接擺入電腦已經搞掂晒，但係以前細細個影落嘅菲林相，難免因為時間耐咗而變得又舊又黃，Google啱啱推出咗一個超實用嘅App，叫做「PhotoScan」，幾秒鐘就能夠將舊相即時數碼化，而且包無反光，令相片keep得再靚啲！

繼舊年推出Google Photos，提供免費且無上限嘅影像儲存服務之後，Google又再推出多另一個新App「PhotoScan」，幫大家將一啲舊相即時Scan入iPhone或Android手機裡面。呢個App識得自動對應照片嘅邊位，修正已經彎曲變咗形嘅部分，同時消除埋有反光嘅地方，令相張睇落再清晰啲，同一般數碼相好似無分別咁。

另外，仲可以為相片加入唔同效果同進行微調，一共有12種濾鏡畀大家選擇，整完之後，直接上載到Google相簿，以後要整理同分享呢啲相就更加容易！

Comments

comments

Powered by Facebook Comments