GU出刺繡items 跟Super Girls打造夏日潮look！

想打扮得潮啲？唔一定要搞到咁複雜，今季GU就推出咗一系列刺繡款式嘅上衣，仲有夏天必備嘅闊腳褲同喱士吊帶裙，簡單又易襯，一齊去睇吓Super Girls點樣將呢啲items拼上身啦！

為咗迎接今個夏天，GU帶嚟咗集時尚、休閒於一身嘅「心動の夏」系列，當中包括唔同風格嘅刺繡上衣、大行其道嘅闊腳褲，以及性感飄逸嘅喱士吊帶裙等等，全部都係夏日不可或缺嘅重點items，只要花啲心思mix & match，想打造出清新又好睇嘅造型一點都唔難！

上衫方面，新一季款式大多以刺繡為主，並且加入咗喱士、民族風、花紋等多個元素，配上寬鬆嘅剪裁，唔單止花款吸引，著上身亦都非常之舒適。

另外仲有唔同袖口設計嘅襯衫可以選擇，例如糖果袖、荷葉袖、傘袖等，無論襯褲定襯裙都一樣咁百搭，返工出街唔少得！

GU今季推出咗唔少I-LINE剪裁嘅闊腳褲，除咗最basic嘅淨色款之外，亦都提供咗蝴蝶結綁帶、Floral Pattern、同雪紡質料嘅款式，無論係可愛、少女抑或時尚，你想打造成邊一種style都無問題！

另外，想著得lady啲，喱士吊帶裙都係一個唔錯嘅選擇，喺裡面襯返件淨色T-shirt，再配搭牛仔褲，簡單得嚟又有睇頭。至於另一款闊袖剪裁嘅透視下擺連身裙就相對可愛啲，而且加多條褲就出得街，唔使襯嚟襯去咁麻煩。

Comments

comments

Powered by Facebook Comments