林奕匡型格演繹最新一季Levi’s Eyewear

Levi’s X林奕匡可以有咩搞作？日前，位於新港中心嘅Levi’s Eyewear Pop-up Store正式開幕，當日更搵嚟人氣歌手林奕匡(Phil)主持揭幕，並且示範多款至潮至型嘅新款Levi’s眼鏡，平時斯斯文文嘅阿Phil戴起太陽眼鏡上嚟，原來都幾有型有款！

近日，Levi’s喺新港中心嘅OPTICAL 88開設咗Eyewear Pop-up Store，早前就邀請咗林奕匡擔任開幕禮嘉賓，阿Phil更即場試戴咗唔同款式嘅Levi’s眼鏡及太陽眼鏡，無論係潮人抑或經典造型，都能夠輕易駕馭得到！

今季Levi’s推出咗多個系列嘅太陽眼鏡，等大家可以喺呢個夏天型住上街。除咗粗框款式之外，亦都有一啲比較vintage嘅設計可以選擇，而且顏色方面非常之Colorful，用嚟點綴平日嘅打扮就最適合不過。另外，Levi’s仲提供埋Everlight PLUS 及Titanium兩個全新系列嘅眼鏡，前者主打輕巧舒適；後者則較為經典時尚，相信總有一款啱你。

除咗以上介紹嗰幾款太陽眼鏡之外，遲啲9月仲會有另一批更加前衛嘅款式推出，而阿Phil戴緊嘅就係其中一款。

問起阿Phil鍾意邊類型嘅太陽眼鏡？佢就表示比較鍾情一啲有少少vintage感覺嘅款式，不過最重要都係要夠舒服同輕身，尤其宜家夏天，太大副嘅太陽眼鏡反而覺得有啲翳焗。至於無化妝嘅日子，佢都會戴上太陽眼鏡出街，遮一遮倦容。傾到平日嘅打扮，如果想casual啲，阿Phil出街多數都會著T-shirt牛仔褲，再襯返副平光或者無框眼鏡，希望低調得嚟，即使有人見到都冇咁失禮，casual又不失型格。

當日喺新港中心嘅Levi’s分店，仲舉行咗2017 Levi’s Eyewear Fashion Show，由模特兒展示出Levi’s Eyewear 最新太陽眼鏡系列，以及Levi’s 夏日COOLMAX系列時裝，並示範點樣靈活穿搭。

活動期間，林奕匡亦親身去到店舖內嘅Tailor Shop，為Levi’s牛仔布袋加工，並送畀在場嘅歌迷。阿Phil坦言製作呢啲小手作嘅經驗唔算多，最記得就係之前情人節嘅時候，為女朋友整咗個皮製嘅mini purse，對方收到好開心，不過並唔係因為整得靚，而係因為驚訝阿Phil竟然有時間去整而覺得感動。另外阿Phil亦都笑笑口大讚女朋友好sweet，肯為自己花時間去學織頸巾，真係隔住個mon都feel到佢哋有幾咁恩愛！

Levi’s Eyewear Pop-up Store
日期：即日至5月23日
地點：尖沙咀新港城中心OPTICAL 88

Comments

comments

Powered by Facebook Comments