阿華田味濃！必食大福同珍珠撻

一到冬天就會好自然想飲返杯暖笠笠嘅熱飲，雖然朱古力係唔少人嘅首選，但點都唔及得阿華田咁經典，咁有港式荼餐廳嘅味道！近日超羣餅店就推出咗全新阿華田系列甜點，得呢個冬天先至有，大家一定要試吓！

朱古力味試得多都會悶，不如轉吓新口味！由超羣餅店推出嘅阿華田系列一共帶嚟四款冬日限定食品，包括阿華田大福、阿華田珍珠撻、阿華田黃金蛋糕及阿華田芝士蛋糕，每款都咁有特色，而且仲好香阿華田味，當中以大福同珍珠撻睇落最吸引。外層沾滿咗可可粉嘅大福口感煙煙韌韌，加上裡面包住咗軟滑嘅阿華田吉士同朱古力粒，味道極之濃郁，而同樣值得一試嘅珍珠撻唔單止外皮食落鬆化，當中嘅奶凍更係用咗北海道3.7牛乳再混合埋阿華田而製成，加上勁有咬口嘅黑珍珠，層次非常豐富，好有驚喜！

圖片來源：超羣餅店facebook

Comments

comments

Powered by Facebook Comments