「型」新年！潮人蒲點 中環年宵2.0

行年宵係每年嘅指定動作，今年除咗維園之外，仲有另一個超大型嘅年宵市場出現咗喺中環海濱。中環年宵2.0，一個潮人必去嘅新蒲點！除咗食、買、玩之外，仲可以欣賞到唔同嘅表演同Band Show，務求令大家有個全新嘅年宵體驗。

年年行維園行到悶，不如今年試吓轉場睇吓有咩新嘢玩！中環年宵2.0一連四日喺中環海濱摩天輪下舉行，係維園以外，另一個較大型嘅年宵市場。場內主要劃分成五大區域，包括：生活品味區、餐飲美食專區、乾貨區、酒吧暢飲區及互動遊樂區，合共超過80個精選攤檔，上至家居用品，下至潮流服飾以及創意手作、手辦模型等都一應俱全。

另有多間米芝蓮食肆及星級餐廳，提供各國及本地特色美食，分別有泰菜Café Siam、正宗地道嘅德墨菜式代表Coyote Bar & Grill、愛爾蘭風味嘅多國菜餐廳 McSorley’s Ale House、加勒比海風情嘅古巴酒吧Havana Bar、以美式快餐車為主題嘅Boomshack、曾推出腐乳熱狗、梅菜肉腸，玩味十足嘅Noodle and Dog等等，多到數都數唔晒，其中仲有必試嘅名古屋交趾雞，由於產量極少，而且香港暫時未有得買，錯過咗今次，可能真係要等到2046。

而每日更有唔同精彩節目輪住放送，例如電影欣賞及Band Show等，而最唔可以走寶嘅係，超人氣樂隊Supper Moment亦都會喺年三十晚(27/1) 親臨現場，陪大家送舊迎新。

中環年宵2.0 (Mart in Hong Kong)
日期及時間: 1月26日(四)  上午11時至晚上12時
1月27日(五)  上午11時至凌晨3時
地點: 中環海濱近摩天輪位置

Comments

comments

Powered by Facebook Comments