蒸籠料理＋shabu shabu 牛涮鍋一牛兩食！

唔想淨係烚吓烚吓，日式火鍋可以有咩新玩法？牛涮鍋最近推出蒸籠料理，先品嚐牛肉嘅原汁原味，跟手再歎埋shabu shabu，簡直係雙重享受！

煮嘅時候，將牛肉鋪喺野菜上面，蒸3分鐘就食得。呢個方法令牛肉食落更加juicy同嫩滑，而且唔會好似shabu shabu咁，畀其他味道掩蓋咗本身嘅牛味，值得一讚！將牛肉捲埋野菜一齊食，感覺健康之餘，口感又再豐富啲。

蒸籠料理包四款海鮮，車海老、廣島蠔、帆立貝及魷魚，唔會淨係得牛肉咁寡。食到咁上下，仲可以轉返做shabu shabu，歎埋個湯底同其他配料，咁至叫做滿足！

只要惠顧美國特上牛小排或以上90分鐘放題，就免費送你蒸籠料理，一個價錢，兩種食法，非常抵食！

 

 

Comments

comments

Powered by Facebook Comments