夏日最消暑 入商場歎手工雪條

手工雪條口感獨特，加上新鮮製造，令人一試愛上！主打創意雪條嘅N*ICEPOPS首次進駐商場，喺新都會廣場開設Pop-up Store，並推出多款全新夏日限定口味，幫大家消消暑。

N*ICEPOPS出品嘅手工雪條，100%自家製，標榜以全天然鮮果及食材製成，保證新鮮，而且口味經常推陳出新，如港式糖水系列嘅「楊枝甘露」同本地手工啤酒系列嘅「Heroes蜂蜜番石榴洛神啤」等，同樣充滿驚喜。

而今次N*ICEPOPS更踩入新都會廣場，開設首間商場Pop-up Store，店舖係模仿雪條車嘅外型嚟設計，玩味十足，附近亦都擺放咗多個以雪條為主題嘅裝置，就好似遊樂場一樣。

場內除咗出售多款人氣手工雪條之外，每兩個星期更會推出一款全新別注口味，率先亮相嘅係「熱情椰香菠蘿 Piña Colada」，新鮮菠蘿混合香甜嘅熱情果，加上香濃嘅椰奶同有機蔗糖，味道非常豐富。而緊接其後，分別有果味濃郁嘅「甜絲絲香橙紅莓」、口味刺激嘅「清爽酸辣芒果」及口感軟滑嘅「有營黑白芝麻豆腐」逐一登場。

另外，值得留意嘅係，於7月15日至16日期間，每日首30名讚好新都會廣場Facebook專頁嘅訪客有機會獲贈清新甜蜜西瓜檸檬口味N*ICEPOPS雪條 (44ml) 乙支，機會難逢，切勿錯過！

N*ICEPOPS Pop-up Store
日期：即日至8月31日
地點：葵芳新都會廣場L1

 

Comments

comments

Powered by Facebook Comments