摸黑挑戰神秘森林！尋找復活節寶藏！

一場奇趣冒險之旅正等你正式展開！今個復活節，挪亞方舟將推出「森林奇遇大歷險」，要喺伸手不見五指嘅神秘森林裡面，摸黑尋找寶藏，除咗技巧，更需要嘅係膽量！

由挪亞方舟呈獻嘅「森林奇遇大歷險」於嚟緊3月24日至4月8日（逢星期六、日及公眾假期）期間推出，屆時園內會有多個驚險有趣，富教育意義，而且適合一家大細嘅活動提供。

主打活動「神秘黑暗探險之旅」挑戰小朋友感官！小朋友需蒙眼走入神秘漆黑嘅森林，靠手杖摸黑進行探索之旅，運用聽覺、觸覺、嗅覺等感官完成不同有趣任務，奪取終極寶藏，過程中充滿挑戰。而透過呢次黑暗體驗，正好讓小朋友代入視障人士嘅日常生活，學習如何克服困難。

喺「綠野尋寶GPS」活動中，小朋友要借助先進儀器，繼續尋找寶藏埋藏嘅位置，同時透過回答動物嘅冷知識和趣味問題，提高小朋友對保護大自然嘅意識，為佢哋提供一個非常棒嘅野外課堂！

此外，挪亞方舟於復活節活動期間更引入全球大熱嘅Glamping，等大家可以免卻搭建帳篷嘅煩惱，乜都唔使準備，舒舒服服喺翠綠嘅森林環抱下，一家大細享受日營野餐嘅樂趣，享受親子樂！

園內仲設有射箭、飛天繩索等戶外活動，讓小朋友盡情「放電」，大人們就可以趁機過一個優閒嘅下晝！

挪亞方舟「森林奇遇大歷險」
日期: 2018年3月24日至4月8日(逢星期六、日及公眾假期)
時間: 上午10時至下午6時
地點: 香港新界馬灣珀欣路33號
入場費: 凡進入挪亞方舟人士需繳付入場費，成人HK$168，小童及長者HK$138
查詢電話: 3411 8888

Comments

comments

Powered by Facebook Comments