Pentel創意主題café 竟然賣擦膠畀人食？

近年好興主題café，最近喺日本亦都開設咗間以Pentel文具做主題嘅「GINZA RAKUGAKI Cafe & Bar by Pentel」，將擦膠、蠟筆通通變晒做食物，唔知你又夠唔夠膽擺佢哋入口呢？

Pentel文具細個就用得多，但無諗過原來都可以同食物嚟個Crossover！呢間位於東京嘅主題Café其實已經係第四年搞，今年就用咗塗鴉做主題，除咗有食物同飲品提供之外，仲會畀埋枝蠟筆你喺牆上周圍畫，有得食又有得玩！

裡面嘅食物有唔少都係模仿文具嘅外型嚟設計，幾可亂真，唔花啲眼力，真係分唔出！

芝士味嘅擦膠？定擦膠味嘅芝士？雖然唔知味道好唔好食，不過創意就爆晒燈！

呢個好似塗改液嘅東東，其實係白朱古力醬。

用調色盤嚟裝食物都幾得意，而裡面嘅擦膠同蠟筆真係可以食得落肚。

由於Café係期間限定，所以只會營業到今年3月31日，如果今次錯過咗，就要搏吓睇吓出年會唔會再開喇！

 

Comments

comments

Powered by Facebook Comments