8個新興旅遊熱點!日本沖繩最受港人歡迎!

8個新興旅遊熱點!日本沖繩最受港人歡迎!

嚟緊係旅行嘅黃金檔期,大家plan咗去邊未?又係最常去嘅大阪、首爾同台北?似乎冇嘜新意喎!不如睇邊8個新興旅遊熱點最多人Search?

旅遊搜尋網站Skyscanner根據2014-2017年嘅搜尋次數,發現港人對以下呢8大城市愈嚟愈感興趣,其中日本沖繩列榜首,成為新興旅遊勝地,究竟呢幾處地方有咩咁吸引咁值得去?

沖繩06

第1位:日本沖繩
沖繩出名陽光與海灘,係擺脫繁囂嘅理想地,除咗景致迷人之外,加上近年日元兌港元匯率低企,CP值高,所以吸引到唔少情侶及新婚夫婦去度蜜月。

印尼雅加達07

第2位:印尼雅加達
繁喧且滿載文化命脈嘅雅加達係連接印尼其他目的地嘅主要城市,當地不乏獨特藝術體驗,包括全球最大型嘅爵士音樂節之一「雅加達國際爪哇爵士音樂節」,將於2018年3月2日至4日舉行。

胡志明市02

第3位:越南胡志明市
蘊藏著豐富嘅歷史遺跡,同現代化嘅建設相映成趣,為遊客帶嚟雙重體驗。其中,充滿特色嘅耶穌聖心堂更令該地迅速成為近年拍攝婚紗照嘅熱門勝地。


台灣高雄08
第4位:台灣高雄
擁有清澈蔚藍大海嘅高雄,一直深受水上運動愛好者愛戴。另外,展出咗唔少藝術作品嘅奇美博物館近年亦都大受歡迎,吸引好多嚟自世界各地嘅旅客專程到訪。

新西蘭奧克蘭01

第5位:新西蘭奧克蘭
奧克蘭係藝術及音樂嘅交匯地,有唔少集藝術和創意於一身嘅文化體驗和景點,《魔戒三部曲》及《哈比人》中嘅哈比村就係喺奧克蘭取景,好值得一去。

中國成都07

第6位:中國成都
璀燦繁華嘅夜生活係成都一大特色,啱晒鍾意夜不歸嘅朋友,而當地亦都經常舉辦大型嘅hip hop音樂節和比賽,比喻為新興嘅hip hop天堂。

亞庇05

第7位:馬來西亞亞庇
位於當地嘅神山向來大受行山愛好者嘅歡迎。此外,城內每年都會舉辦唔同嘅文化及藝術活動,例如著名嘅沙巴節,係匯聚咗舞蹈、音樂、時尚潮流和美食嘅一大盛會。

阿姆斯特丹03

第8位:荷蘭阿姆斯特丹
阿姆斯特丹係歐洲保存得最完好嘅城市之一,設有多個特色景點和活動,可以欣賞到引人入勝嘅文化遺產,包括興建於1306年嘅老教堂 (Oude Kerk),及順道遊覽附近嘅鹿特丹,飽覽幾何形狀嘅特色建築及歷史遺跡。

Comments

comments

Powered by Facebook Comments