Ricoh智能操作面板 支援多個App及雲端

香港係一個講求效率嘅地方，尤其每日好似打緊仗嘅Office，Ricoh推出全新智能操作面板，配合多個應用程式及雲端服務，以後處理文件就更方便快捷！

Ricoh喺2015年首次發布行Android系統嘅10.1吋智能操作面板(SOP)，兩年後嘅今日宣布推出全新版本，除咗帶來嶄新介面之外，亦追加咗多個實用應用程式同雲端系統，提高工作效率。

新版本已經率先預載咗13個免費應用程式，如Masking，文件scan入系統後，只要用手指喺屏幕上抹走你唔想畀人睇到嘅重要資訊，打印機就會自動將該項目塗黑，保留。另外，除咗公司文件，辦公室亦會經常處理到大量收據，呢個時侯，Receipt Scan就大派用場，系統可以將多張已scan好嘅收據逐一分類到唔同嘅檔案中，方便整合同記錄，大大縮短處理時間。而Ricoh更將其Android平台開放予第三方開發人員，意味日後喺應用程式方面有更多嘅可能性同選擇。

此外，辦公室文件傳送亦都唔再局限於電腦，呢款智能操作面板支援雲端服務，文件硬本能透過處理器上載到雲端，再由手機接收，令工作方式變得更有彈性。

 

Comments

comments

Powered by Facebook Comments