圓方十週年體感派對投入藝術時刻

ELEMENTS圓方今年踏入十週年，咁重要嘅時刻，當然要Happy Together！商場以派對形式進行慶祝，設置多個互動體感裝置，結合埋音樂同藝術，為大家帶來不一樣嘅體驗！

為慶祝十週年，ELEMENTS圓方喺今個暑假舉行夏日派對，以音樂及藝術為主題，預備咗唔同嘅互動體感裝置，包括「幻想曲創作站」、「互動色彩樂園」及「氣球嘉年華」。

嚟到「幻想曲創作站」，大家可以感受到非常有趣嘅互動體驗。現場設有一幅投影牆，牆上畫滿七彩繽紛嘅樂器，有鋼琴、結他、喇叭、小提琴、木琴等等，只要用手按下唔同嘅音鍵或敲擊器具，樂器就會發出相應樂音，大家可以盡情發揮創意，彈奏出獨一無二嘅樂章，話唔定會喺當中發現到自己嘅音樂天份！

另外，派對又點少得禮服？「互動色彩樂園」提供大量顏色筆及畫紙，讓你親手為服飾填上色彩，畫作完成後，人物會生動地呈現喺大屏幕上，一齊投入呢個派對！

而「氣球嘉年華」則為party增添咗唔少歡樂氣氛，屏幕會隨著大家手舞足蹈而噴發出色彩絢麗嘅紙屑，等你同家人或朋友可以影低最興奮開心嘅一刻！

ELEMENTS圓方－夏日藝術派對
日期： 2017年7月24日至9月3日
開放時間：上午10時至晚上10時
地點： ELEMENTS圓方金區

comments

PUFF.HK 流行食玩樂資訊媒體