全港首間Sennheiser專門店 任聽唔嬲！

Sennheiser嘅fans有好消息！繼北京同上海之後，Sennheiser終於嚟到香港開專門店，早前已經正式開放，場內有多款高級耳機供大家免費試聽，當中更包括世界最頂級耳機系統HE 1，咁難得嘅機會，音響發燒友又點可以錯過？

專門店以白色tone為主，配合埋光猛嘅設計，格調高尚，同品牌專業嘅形象非常之襯。

店內展示咗多款大受歡迎嘅無線耳機，包括PXC 550 Wireless、 MOMENTUM Wireless 及MOMENTUM In-Ear Wireless，亦都有非常經典，最具代表性嘅旗艦耳機如 IE 800 同HD 800。另外，其中有一款更係同Dior Homme合作推出嘅特別版耳機。試啱可以即場選購。

而數到全場嘅焦點，莫過於世界最頂級嘅耳機系統HE 1，價錢可以話係天價，基座以卡拉拉大理石設計而成，完美嘅外型同無可挑剔嘅音效配合得天衣無縫，大家可以體驗到極高嘅聲音還原度同獨一無二嘅空間感，呢啲機會唔係成日有，真係要親身去感受一吓！

另外，喺嚟緊下半年，Sennheiser將會陸陸續續有唔同嘅新產品喺專門店展示，大家密切留意！

Sennheiser香港專門店
地址：半島酒店商場地下E3A舖

Comments

comments

Powered by Facebook Comments