離晒大嫂！5塊薯片賣成四百幾蚊港紙？

傻的嗎？5塊薯片加埋賣成四百幾蚊港紙？最近瑞典啤酒廠 St Erik’s 推出了一款貴到離晒譜嘅薯片，一盒得5塊，攝牙罅都唔夠，但竟索價£45.68(約HK$430)。雖然價錢極之唔親民，但一樣有人甘願被打劫，頭一百盒已旋即被搶購一空，到底薯片憑咩可以賣到咁鬼死貴？

飲啤酒當然要配埋薯片啦，不過呢款由啤酒廠St Erik’s 推出嘅薯片，真係唔係人人食得起，四百幾蚊港紙得5塊，平均一塊要八十幾蚊，同搶錢無分別！點解要用四十幾包薯片嚟換呢幾塊薯片？原因好簡單，因為呢款薯片係人手製造，而且用咗5款超罕見嘅高級食材製成，包括瑞典北部嘅松茸、法羅群島嘅黑松露、Bjäre半島嘅皇冠蒔蘿、雷克桑德嘅洋蔥，以及印度淡啤酒嘅麥芽汁，連薯仔都係用返瑞典嘅自家種植，夠晒矜貴，所以絕對係貴得有道理！仲諗緊買唔買好？Sorry，一百盒薯片已經全部被人搶晒，而廠商都話暫時唔會再出住。

Comments

comments

Powered by Facebook Comments