揮低晒其他手機 耳機專家讚LG V20靚聲

LG早排力谷G5，但反應不似如期，新推出的V20話唔定可以挽回唔少分數，話晒上一代V10個勢唔錯。今次V20除了繼承V10的強勁拍攝功能之外，更是全球首部內置32-bit Hi-Fi Quad DAC專業音響晶片的手機，主打靚聲，連耳機專家都讚音色表現達鑑賞級！

雖然V20外型未算出眾，但機背採用航空級別的AL 6013金屬和Si-PC合成物料製成，非常堅固，襟跌襟撞，加上IPS Quantum屏幕夠晒大，有成5.7吋，而且同上一代一樣，有埋副屏幕畀你待機時Check到手機資訊和快速開啓應用程式，十分方便。

不過話說回來，V20的賣點始終是Hi-Fi Quad DAC音效，手機用上ESS SABRE 9218 連耳擴(AMP)晶片組，能夠把失真及雜訊減少至一半以上，帶來更清脆細膩的音色，再配合擁有75段音量及L/R左右聲道平衡調控的B&O PLAY專業技術幫手機調音，支援 FLAC、DSD、AIFF和ALAC等20多種無損音樂格式，用埋隨機附送的B&O PLAY耳機，音樂表現更加出色。V20 更同時支援Qualcomm® aptX™ HD格式，可透過藍牙把Hi-Fi音質傳送至同樣支援24-bit音效的其他耳機。

至於相機方面，V20採用標準75度1600 萬像素及超廣角135度800 萬像素雙主鏡頭，後者可以拍出比普通智能手機闊1.7倍的wide shot效果，而500像素的前置鏡頭更可隨時把120度廣角鏡頭換成83度標準自拍角度模式，方便構圖。另外，V20亦引用了混合自動對焦系統，加埋對比偵測對焦(Contrast AF)技術，在任何環境下拍攝相片，都能準確捕捉所有細節。

LG V20 備有鈦黑鋼、閃亮銀及冰晶粉三種顏色，售價為HK$5,998，現已公開發售。

Comments

comments

Powered by Facebook Comments