PUFF.HK 流行食玩樂資訊媒體
我單刀直入D，唔轉彎活角喇！其實本宮真係幾憎D扮可憐嘅女人，同埋D有嘢又扮無嘢嘅男人！對住佢地嘅無理，講佢又唔明、鬧佢又唔聽，總之就完全溝通唔到得黎又逃避唔到咁哽咽。經常都好有一種打佢唔長，又吹佢唔脹嘅感覺濃罩住兩口子嘅生活。當日子慢慢磨逝，你可能已不會奢望「我地今日唔好嗌交」，而是希望「你今日唔好又發癲」，似…曾…相…識…嗎？
屈機女
不過我都明白d女人，有時因為自己無論點做，個男人都係唔肯作出少少的合理改善；以致市面上湧現好多扮哂弱者、賣弄可憐、含淚噴人、要生要死、以大肚威脅、總之就扮哂無辜辜到要含淚而終嘅女人。Lee d女人，係男人見到都怕怕；但偏偏佢地咁做，就係想將已離開得自己遠遠嘅男人箍返埋身。哭一次個男人驚一次、啼兩次個男人又走遠d、死第三次個男人已經另覓比你善解人意嘅人、去到你霸王硬上弓，強迫男方結婚生仔時，佢個心&人可能已經合體去咗第二個女人深深處了。
到咗攤牌果一日，
男人會話：「你成日lee樣又唔得、果樣又唔俾，仲要由朝到晚喊苦喊忽、要生要死…如果你唔係咁，我又點會搵過第二個？」
然後女人如常地喊哂口咁話：「如果唔係你唔理吓我、唔陪吓我、唔就吓我、唔好成日整到人地喊，我根本就唔會咁！」
很對！死唔認錯嘅人，永遠都係賴對方做錯，自己會才有脾氣，我見識過太多。只要一日佢地愛自己比愛你多，都一定唔會作出任何改變；所以，同lee d人相處，係唔需要同佢講是非對錯的，因為只有你錯！好屈機…！
屈機局外人
加上，好多凡人都好鍾意理人地d家事+睇嘢睇表面+一知半解就道德撚上身；見到個女仔流幾滴馬尿或者facebook寫到好慘情，就會comment男方「做咩搞到佢咁陰公呀？你做咩搵過第二個呀？好衰呀…」我呸！我從來唔覺分手或離婚，一定係有第三者果個錯。你點知個女人平時性格係點？係咪橫蠻無理？有無為咗佔有慾就咄咄逼人？係唔係為咗箍住個男人就迫佢結婚生仔？男女之間嘅事複雜到連當時人都未必搞得清，局外人咁多嗲做乜嘢？即使係你老母都唔會比你地兩個嘅事更清楚囉！
屈機男
好多男人都以沉默見稱，有咩都收喺個心入面。當女方有令自己不滿的事情出現，先是不聞不問，然後就自大狂發作，以為自己係福爾摩斯，幻想出來的事情始末就係事實。男人不滿會點呀？黑面囉、唔睬你囉、即使你整親都唔會關心一句囉、即刻離開你視線範圍囉…總之就口講無事，個人就走撚咗！咁樣其實令到對方好痛苦，若對方真的無做錯或有所苦衷，你卻不給予解釋的機會，(1)這不是恰當的溝通 (2)你仍沿用小學雞的逃避方法是何等不成熟 (3)沒有商量餘地，那不是二人的理想生活，而是你只活於自己 (4)你是一個沒能力處理事情的男人。於是，男人一開口就用強硬而贏鳩梗嘅語氣band落個女仔度，無論個女仔點解釋，佢都係大大聲咁重覆果幾句「福爾摩斯得出之偉論」，目的就係要話你知「我無錯，你認錯吧！」終日用脾氣威嚇女生的人，是無品。若遇上一些溫馴或順得人的女生，對她們而言，這是屈機！
這樣屈機的結果，就係令心中有萬劫不服的女生，終有一日會火山爆發，然後「閘住反彈無回頭」。你會失去一個願意一直處處容忍你、俾面子你、明明可以贏你但願意輸給你的女人。
贏咗場交，輸咗個家，何苦呢？
霸佔人生最多的，除了衣食住行外，就是「愛」，然後「性」！
你不談戀愛，我知道「愛」或許傷過你，那就學習怎樣的「愛」才適合自己！
你不敢談性，請不要忌諱，這比你大小二便更平常；今天你討論也不願，單靠寶貴年歷去取經，或許會更傷到自己！
MT Mabel．敢言．兩．性關係．
Facebook專頁：MT Mabel 「讚好」了解我更多~
(https://www.facebook.com/MTmabel)
~ 歡迎提出你想討論的話題，這裡有開放、健康的空間，讓我們一同好好學習 ~
Comments
Powered by Facebook Comments
