全新夢幻粉嫩色系！馬卡龍鑽轉少女大愛

直捲兩用嘅鑽轉係每個女生都應該要有嘅小髮寶，方便隨時轉換造型，話變就變。全新推出嘅馬卡龍粉鑽系列加入咗多款夢幻粉嫩色，吸睛指數爆晒燈，而且操作簡單，用起上嚟毫無難度，新手一試便愛上。

新鑽轉最大嘅賣點就係換上咗全新嘅馬卡龍色系，有多種顏色選擇，外型清新得嚟又夠Sweet，搏得唔少少女歡心。

而呢款入門級嘅鑽轉亦都簡單易用，單向旋轉嘅美髮棒極之容易操作，能夠短時間內拉直或捲曲頭髮，應付唔同場合嘅需要，趕時間嗰陣就最幫到手，而且32mm滾軸所做出嚟嘅效果亦比較自然，本身冇用開美髮器嘅女仔，即使係初接觸都唔使擔心會失手，加上附有隔熱裝置，唔怕用用吓燙傷塊面，設計非常細心。

配合埋獨特嘅離子髮刷，能夠一邊捲髮一邊梳順頭髮，增加蓬鬆感並減少毛躁，令頭髮睇起上嚟更柔順亮麗。

新鑽轉仲提供兩種溫度調校，適用於任可髮質類型，最高可加熱至195度，就算係頭髮偏硬嘅女生，都能夠輕易打造出唔同造型，而且持久keep住一整天。

鑽轉Lite馬卡龍系列一共有五種顏色任揀，包括粉紅、粉黃、淺藍、湖水綠及淡紫色，售價分別為HK$980，除咗官網之外，亦喺指定豐澤分店有售。

Comments

comments

Powered by Facebook Comments