PUFF.HK 流行食玩樂資訊媒體
相信屋企有小朋友或寵物嘅人都希望可以一日廿四小時對住佢地，但礙於香港人生活指數高，工作繁忙，所以需要IP Camera一解相思之苦。而且用家可以透過IP Cam即時監看屋企狀態，不但可以防小偷，亦可以隨時觀察小孩或寵物嘅狀況，以察安全。另外，如有請家傭的，更可以此監察佢哋喺屋企嘅一舉一動，確保BB在貼心的環境下成長。而IP Camera牌子有好多，貴則數千，平則幾百，大家喺買之前可以了解咗邊啲功能係需要，邊啲係無謂，免得做「水魚」。
無線/有線連接Router：
所謂網絡攝影機，就係要連接網絡，令用家可透過智能產品（電腦、手機、平板電腦等）輸入該IP-Cam 嘅IP位置，就可以喺街上或辦公室都睇到屋企即時情況，所以安裝網絡攝影機第一步係要連接屋企嘅 Router (路由器)。
其實IP Cam需要無線定有線係視乎擺位而定，如果您放置IP Cam嘅位置同Router好近，咁用一條實線 Cat 5/ Cat 6 LAN Cable就可以提供非常穩定嘅連接。
如果放置IP Cam 嘅位置距離Router比較遠，實線長度不足，或唔適合有條明電線影響外觀，咁就可以揀無線連接，乾脆利落。如果揀無線嘅，就要留意網絡制式係802.11b/g 定係有n，因為有n嘅速度會高啲，亦會穩定啲。
解像度：
解像度方面呢，小編認為除非係打算用IP Cam拍寫真，否則有監察效果就好。而且，解像度越高，檔案就越大，喺室外用智能產品上網睇，解像度低啲反而對流暢度有利。
如果非要高清不可，壓縮格式則好重要，要H.264 高清定 Motion JPEG / Motion PEG4 呢？H.264高清影像壓縮技術，提供高壓縮、高存取速度、優化串流頻寬及高清影像，較傳統嘅MJPEG / MPEG4更佔優，於錄影時亦可大大降低硬碟佔用空間，令用家喺電腦寬頻上網擁有優質的監控。而MJPEG / MPEG格式則適合用家用流動裝置監控，可以幫用家節省頻寬，確保串流影像穩定。
另外，紅外線夜視功能可說是必須功能，因為屋企光線有機會不足，有紅外線夜視功能嘅才是真正日夜都能監看。
鏡頭移動角度：
為可全面監察IP Cam四周情況 ，鏡頭可移動角度非常重要。但需要幾多上、下、左、右轉動嘅角度，則視乎IP Cam嘅擺位而定。
如果係掛喺房間嘅角落頭，IP Cam需要轉動嘅角度相對細，只需垂直約120度，水平約90度，即可監察房間不同角落。
如果掛喺房中間或安裝於枱面，IP Cam就極度需要「兩頭擰」，水平移度角度需達到360度，而垂直移度角度需達到180度。
變焦：
大部份標準嘅IP Cam均備有數碼變焦功能。但數碼變焦雖可有效地放大影像，但會降低畫質並耗損解析度。所以如果想有更佳表現，可選擇配備光學變焦嘅IP Cam。
而需要幾多變焦度去Zoom 大 Zoom 小最好？就視乎你需要睇得幾仔細，需唔需要睇完全景再睇細微部份，需唔需要連碗裏面裝緊咩食物都睇到。小編個人認為變焦度高也無妨，低亦不可惜。
小編推介：
就普通香港人而言，居住面積不大，使用空間細，小編會推介選購無線IP Cam。它可以方便懸掛喺任何一個角落，鏡頭用可垂直及水平移度120度、支援MJPEG / MPEG格式、於流動裝置上流暢地進行監控、再加小許變焦就適合。
另外，Panasonic、Canon、Sanyo、Sony和Vivotek，呢啲大牌子價位較高，價錢由$2500至$1000不等；它們功能較好，有極高解像度、專業光學變焦、自動報警功能等，比較適合監察辦公室或銀行等地方，對家用用家而言實在係「大材小用」。例如：Panasonic 最熱賣嘅IP Cam型號係有線版嘅BL-C111 – 鏡頭可動，解像度 640×480、10x 變焦、索價近$1500；無線型號 BL-C131，索價則近$2000。
而D-Link、TP-Link和Foscam就比較適合家用用家，價位親民、多款選擇，亦有齊簡單嘅功能。例如Foscam的Fi8918W IP Cam，不需$1000便能擁有，鏡頭左右可轉300度、有紅外線功能、支援iPhone和Android手機、行MJPEG壓縮等，可謂應有盡有、實而不華。
Comments
Powered by Facebook Comments
