多啦A夢控必買！超巨型限量聖誕波 六款萌樣可愛到暈

多啦A夢控注意！今年，Macott Station推出多啦A夢聖誕波系列，亞太區限量500套，身為Fans嘅你又點可以錯過？個個唔同表情，一於儲齊全套啦！

聖誕波以多啦A夢嘅大頭造型為設計，頭頂戴有竹蜻蜒，每一款都擁有獨特嘅萌樣表情，單眼、舐脷、吐舌頭，表情多多，生鬼百厭，十分可愛。

超級巨型嘅聖誕球，size比正常大一倍有多，無論掛喺聖誕樹上，抑或吊喺其他地方做裝飾，都勁顯眼，非常之搶Fo！當聖誕禮物，送畀鍾意多啦A夢嘅朋友亦係唔錯嘅選擇。整個系列共有6款趣致表情，設有兩套任揀，一套3款。

專製造Figure嘅Macott Station，幫唔少公司做過大型project，亦設有網店出售特色Figure，例如全球限量200隻嘅木雕小雲同小吉及50cm高嘅巨型多啦A夢，遲啲仲會推出66cm高嘅大雄同74cm高嘅胖虎，系列名為Doraemon Friends，好值得收藏，大家不妨留意一下。

多啦A夢聖誕波現正接受預訂，限售港、澳、台三個地區，每套售HK$168，於12月初出貨。

有興趣嘅朋友可到全線LOG ON或以下網址訂購：
https://www.macottstation.com/shop

Comments

comments

Powered by Facebook Comments