買嘜禮物俾女友好？Q Motion靚得嚟又實際！

臨近聖誕，又係男朋友最頭痕嘅時候！女人貪靚又鍾意實際，點先可以一次過滿足晒佢哋？Fossil全新智能手帶Q Motion，唔單止有監察睡眠同活動追蹤嘅功能，仲靚到可以用嚟襯衫，送俾女友就最啱數！

Q Motion同Fossil之前出過嘅智能配飾一樣，都係咁講究外表，當中有兩款嘅設計係以香檳金圓柱型，再配搭螢光粉紅或薄荷綠色嘅矽膠手帶，高貴得嚟又唔會顯得過份老成，好啱一啲輕熟女！

呢款防水嘅智能手帶亦都加入咗睡眠狀況同活動記錄功能，唔止得個睇字，仲好實用，而且會以震動或者LED燈嚟提醒用戶已收到手機提示，加上配備埋輕拍技術，只要輕拍Q Motion，就可以輕易播放音樂、尋找電話同自拍等等。另外，智能手帶中嘅內置電池壽命長達6個月，唔洗成日提住自己要叉電，都真係幾方便！

每款Q Motion價錢為HK$850，現已於Fossil分店發售。

Comments

comments

Powered by Facebook Comments