PUFF.HK 流行食玩樂資訊媒體
情人節將至，係時候要訂位同另一半撐枱腳！主張素食嘅OVOCAFE將於當日推出「綠色」情人節限定套餐，以新派手法配搭健康食材，烹調出好似藝術品一樣嘅精緻大餐，啱晒成日話減肥嘅女士們。
平日無肉不歡嘅你，試完由OVOCAFE供應嘅情人節套餐，可能自此會對素食產生興趣。雖然套餐缺少海鮮、牛扒等高級食材，但就選用咗近年大熱，營養價值非常高嘅紫薯、藜麥及紅菜頭等作為配料，以創新破格嘅形式將素食包裝成高檔美食，首推當中嘅紫芯蕃薯湯配野菌意大利雲吞、藜麥紅菜頭沙律同士多啤梨意大利飯配脆炸素檸檬蝦，精緻嘅擺盤，再加上顏色鮮艷嘅賣相，未食已經令人流晒口水。
OVOCAFE情人節限定套餐將於2月14日，喺灣仔及中環店供應，有兩款Menu選擇，價錢分別為HK$488及HK$588 / 兩位。由即日起訂枱，於OVOGARDEN購買情人節精選花束更可獲額外85折優惠。
資料來源：OVOCAFE
Comments
Powered by Facebook Comments
