情人節朱古力沾麵 驚喜定驚嚇？

情人節唔少得送朱古力，日本拉麵店麺屋武蔵繼上年推出情人節朱古力沾麵之後，今年又再照辦煮碗，炮製出全新版本嘅朱古力沾麵(Tsuke Ghana 2017)，如果你去開日本又係朱古力迷，一定要試吓，不過對於唔鍾意朱古力嘅朋友嚟講，可能會接受唔到！

往年嘅朱古力沾麵，味道得個甜字，而今年麺屋武蔵就推出另一個無咁漏嘅版本，配料除咗傳統嘅日式叉燒之外，仲有一個用鵝肝同蔬菜搓成嘅特製鵝肝丸子，丸子沾滿朱古力粉，又甜又鹹，加上麵同湯都撒上辣椒粉，令味道更加豐富。沾麵供應期至到情人節當天(14/2)，於日本新宿、濱松町站、芝浦店發售，價錢為1,080日圓(約HK$74)，每日只限20碗，唔算好貴，一試無妨。

2016年版本嘅朱古力沾麵，配料只係得生果，Dry過今年

Comments

comments

Powered by Facebook Comments