PUFF.HK 流行食玩樂資訊媒體
無論你個人大唔大頭蝦，都一定有試過唔見嘢。有無發現有某啲嘢係特別易唔見嘅呢？有時啲嘢未必真係唔見，只係一時之間搵唔到都己經令人好頭痕。睇吓下列呢十樣嘢有幾多樣係你唔見過嘅！
1 髮夾、橡筋
我好懷疑世界上係有一個黑洞係專吸髮夾同橡筋嘅，無論你買幾多，到最後都係會唔見晒嘅。
2 眼鏡
四眼仔四眼妹們！一定試過隨手除咗副眼鏡就唔記咗放咗喺邊…跟住無咗副眼鏡又好難睇到嘢去搵返副眼鏡喎…..
3 襪
襪就好似人咁，明明應該一對對。但偏偏成日會有啲襪永遠唔見咗一隻….
4 電話
每日機不離手，但係總有啲朋友係成日唔見電話。我代三星、apple多謝佢地。
5 銀包
哩個未必成日唔見，但唔見咗就好大獲喇！唔見錢都算。身份証，信用咭，八達通…等等 全部無晒，要搞一大輪先可以申請返晒。
6 潤唇膏
一個人通常擁有超過一支，特別係女仔。但係成日用用吓唔見晒。
7 指甲鉗
同潤唇膏一樣，size細細。耐唔時用一次，唔放好佢，下一次就會搵唔返㗎喇。
8 電視遙控器
有無試過睇電視想轉台但係搵唔到遙控器，又唔想行過去個電視度。於是繼續睇一個唔想睇嘅台….
9 萬字夾
髮夾啲同類，係咪所有夾都係有腳會自己走嘅呢？
10 遮
出街時有落雨就一定識拎遮啦。但係當你去到室內，放低佢喺遮架，就會唔記得咗佢。走嗰陣無雨，好自然又會漏低埋….
Comments
Powered by Facebook Comments
