Tea WG蓮花玉茶月餅系列 清新之選

一年容易又中秋，多款月餅相繼出場！Tea WG全新蓮花玉茶月餅系列，注入傳統茶味，以茶香中和甜膩感，為月餅帶嚟小清新。

今年Tea WG獻上兩款嶄新口味嘅傳統茶味月餅，包括「白日夢幻」及「紅緋櫻」。前者主打藍莓醬白蓮蓉口味，配上融合咗藍莓布蕾佐乘風高翔茶嘅杏仁餡，味道濃郁；後者喺黃金色嘅餅皮下，隱藏住普洱茶味嘅棕色蓮蓉，中間釀入咗義大利酸櫻桃，白朱古力再加上椰子顆粒鬆脆嘅口感，配合得天衣無縫。

除咗傳統款式之外，新登場嘅仲有冰皮月餅。月餅外皮五顏六色，當中以白朱古力做餡，每一款分別配上唔同口味嘅果醬及唔同茶味嘅慕斯，口感豐富，各有特色。其中綠色款嘅「午夜時光」加入咗細膩香醇嘅蓮花玉茶慕斯，配搭香甜嘅水晶梨果醬，非常清新；至於橙色款嘅「螢光盛放」，則選用咗果香撲鼻嘅蝴蝶夫人之茶，混合埋香濃杏桃果醬，令人回味無窮。

Tea WG茶味月餅兩件裝禮盒配蓮花玉茶售價為HKD $468 (傳統) 及 $488 (冰皮)，四件裝禮盒售價為HKD $428 (傳統) 及$468 (冰皮)，單件裝禮盒售價為HKD $108 (傳統) 及 $118 (冰皮)，所有茶味月餅均以典雅蓮花玉茶月餅禮盒盛載，並將於2017年8月31日至10月4日於各Tea WG沙龍與精品店發售。

Comments

comments

Powered by Facebook Comments