拜先人燒iPhone 唔好唔記得燒埋叉電器！

相信好多人拜山嘅時候都會諗：「年年都要燒野，但屋又燒過，工人都燒過，重覆燒嘅你唔厭收果個都厭啦！」，咁可以點？下次不如試下新搞作啦！天堂部屋嘅新出品iPhone5相信會成為你燒野比先人嘅新選擇！

 

 

 

 

 

 

 

 

 

 

 

燒得野比先人又點可以粗心大意呢？天堂部屋嘅iPhone5除左有主機之外，更加有埋叉電器，特別之處當然係叉電器真係可以插落部機到架！唔夠？咁不如連埋個耳機啦～如果你話先人對音質好有要求嘅，更可以選擇埋燒Beats耳機，呢對耳機仲可以換線升級添架，絕對夠晒細心，當然啦，有iPhone又點少得iPad呢？

 

 

 

 

 

 

 

 

 

 

 

 

如果你話先人唔鍾意iOS，又或者覺得個mon太細會睇得唔舒服嘅，咁不如諗諗Note2啦，部Note2一樣造得咁足～有埋S Pen可以拎出黎架！

 

 

 

 

 

 

 

 

 

 

 

唔好以為得個正面造得足～機背一樣有埋鏡頭同閃光燈！

又覺得Note2太大？咁不如S3啦！．．．咩話？憎恨Samsung又唔鍾意iPhone？冇問題～HTC Butterfly啱啦掛？

 

 

 

 

 

 

 

 

電話之外又點少得電腦呢？你過歌都要電腦啦係咪？天堂部屋喺電腦方面就提供Mac Book Air比你選擇，如果先人鍾意剪片或繪圖嘅就選擇Mac Book Pro啦！兩款一樣有埋叉電器～當然唔好忘記仲有WACOM繪圖板都要燒埋喎！

 

如果先人係對打機有興趣嘅，可以送埋XBOX同PS3比先人啦，不過而家XBOX暫時得3款遊戲，而PS3就有4種，先人係打機迷嘅就可能要等等新game啦！

 

 

 

 

 

 

 

 

 

 

Comments

comments

Powered by Facebook Comments