藥要食得好 身體至會好

 

如果家中長輩患有老人病，你會發現佢哋每日每次食嘅藥丸多達十幾粒，而且唔同嘅藥都要係唔同嘅時間食。其實對於老人家嚟講，藥都食到怕，重要去記住邊隻藥打邊隻藥係一件十分困難嘅事情。不過都有解決方法，早前一班義大利米蘭多莫斯設計學院學生設計出一款”簡易用藥系統Easy pill”，目的係令老人家用藥時更方便清晰。

我哋唔能夠每日都陪喺佢哋身邊，如果經濟能力許可，當然可以請家傭代為照顧，但一般嘅打工仔根本負擔唔起。上咗年紀嘅長輩好多時都係無咩記性，但食藥唔單只要準時，更要準確，否則只會令身體更惡劣。再者，藥性太強令老人家經常感到疲倦，神智不清。因此，呢班設計學院學生設計出一塊有提示用藥功能嘅電子板，就算佢地唔記得咗食藥都唔怕無人提。

 

 

 

 

 

 

 

 

 

 

 

除咗喺指定的時間發出提醒聲音外，呢塊提示板重會顯示俾老人家知，每種藥要食幾多粒。另外，亦唔洗怕老人家會拎錯藥，因為喺每個要食嘅藥瓶下都發出燈光提醒。呢件產品除了方便老人家食藥之外，更可以保存病者的用藥記錄，好讓醫護人員作參考，能夠喺下一次嘅治療中有更準確嘅數據，製訂更好嘅醫療處方。呢一個”簡易用藥系統Easy pill”改良緊，相信好快就會進行量產。

 

 

 

 

 

 

 

 

 

 

 

有咗呢個”簡易用藥系統Easy pill”就唔洗擔心老人家食藥問題，但我哋平日應該多啲同佢哋傾吓計，等佢哋開心啲身體自然變得更好。

資料來源：http://www.liteonaward.com/zh_tw/award_d.aspx?year=2013

Comments

comments

Powered by Facebook Comments