＂還寶＂新概念！

 

有無諗過平時環保分類嘅野會去做邊，又可以再重新製造成乜野?可口可樂公司同美國一間3D打印公司 – 3D Systems合作，研發了一部家用嘅3D打印機，將棄置膠樽重新賦予新嘅生命，再以全新面貌出現。＂還寶＂就是要將物件循環再造成一件全新寶物，喚成大家對綠色地球的概念。

 

 

 

 

 

 

 

 

呢一個3D打印機叫做Ekocycle Cube，由3D Systems嘅創作總監、著名嘅音樂人will.i.am親自研發。透過Ekocycle Cube令大家對環保嘅關注度增加，實實在在喺各位面前示範，點樣可以將一個平平無奇的膠樽化身成為一件獨一無二的藝術品或裝飾擺設。

 

 

 

 

 

 

設計師抱住”Things don’t have to end. They can begin again.”嘅態度去對待每一件事。對佢黎講，所有野都可以循環使用，而且變得更好!加上近年3D打印技術越趨成熟同普及，形狀、結構、大小都無限制，能充分將創意實現出黎，將無可能都變成有可能。而設計師will.i.am自己都設計咗25個小模型，分別同時尚、音樂、擺設、飾物等元素有關。

每次只需三個PET材料嘅膠樽就可以打印出一個70微米高解析度、約6寸高嘅模型。機身嘅顏色同可口可樂嘅主題相似，都採用咗紅白配搭。大家可以透過平板電腦同智能電話以藍芽或者WiFi嘅型式連接Ekocycle Cube，咁就可以隨意打印各特色小擺設、飾物，暫時以紅、黑、白三種為主要打印顏色。不過既係大公司又係名牌子出，個價錢就未必個個都岩心水啦，售價要美金1199元。

Ref: http://www.3dsystems.com/blog/2014/06/ekocycle-cuber-3d-printer-remake-using-recycled-plastic-bottles

Comments

comments

Powered by Facebook Comments