最細亦都係最大嘅Scanner

成日聽到人哋話如果唔想冇咗啲文件、相就scan佢落電腦道啦!的而且確，用電腦去記錄整齊之餘，搵起上嚟都方便咗好多，更加唔洗怕整唔見。美個公司Dacuda製造咗一個全球最細嘅無線掃瞄器PocketScan，隨便一掃就scan入咗你嘅電子產品入面。幾大嘅範圍都好，咩形狀都好，只要掃得到嘅畫面都可以記錄喺電腦、電話上面。

好多嘅掃瞄器都係一件放喺電腦側邊，而且大多數每次最多只能掃瞄A4紙大細左右嘅畫面，如果大少少嘅相或者書可能就scan唔出完整一頁。近年都有唔少便攜式掃瞄器出現，不過掃瞄過程有時會因為手震而影響出現格仔。呢一個PocketScan想點掃就點掃，就好似筆刷咁只要被掃過嘅地方都會記錄，唔單只可以自由scan唔同嘅部份，又唔會限制係A4大細嘅畫面上面。

Dacuda公司宜家就喺網上集資緊，相信好快就會真正量產。PocketScan高50mm、長95mm、闊27mm、重58g，比銀包更細、更輕，但咪以為細細部功效唔會多得去邊。呢個scanner用咗藍芽連接上電子平台上，每次叉完電可以scan超過400次。而且機身內自備光度調節系統，scan完每張相都超過400dpi，比用電話嘅相機影更清晰。