自拍?重有咩難道！

用電話自拍係人都試過，而為咗影張自拍照，市面出現好多唔同形式嘅自拍神器。有啲用遙控器、有啲用伸縮杆，層出不窮。但就算呢啲神器有幾犀利都好，都總要額外多一個支架或遙控器配合使用。而呢隻Case-Cam可以話係自拍神器嘅表表者。

你買手機殼通常會考慮啲咩因素?外型、質地、功能?相信對設計師Garett Ochs黎講，佢一定係以功能行先，點解?一齊睇吓佢所設計嘅Case-Cam啦！ 一般手機殼嘅功能多數係避免手機跌跌撞撞時整花、或者用黎美化大家都一模一樣嘅電話，但你有諗過電話殼都可以幫手做自拍嗎?

 

 

 

 

 

 

 

 

 

 

 

 

 

 

 

 

 

 

 

 

Case-Cam睇落好普通，無咩特別嘅圖案，但就有一個特別功能，喺鏡頭下方就有一塊小片可以反出黎嘅支架。當然就咁托起少少就影唔到啲咩嘅，所以反出黎果一邊係一面鏡子，就好似利用潛水鏡嘅原理。而且大部份嘅電話前鏡頭嘅像素都較主鏡頭低，所以自拍嘅相都會冇咁清，但Case-Cam就可以解決到呢個問題啦！

 

 

 

 

 

 

 

 

 

 

 

 

 

不過宜家都只係IPhone嘅朋友可以享受到呢隻case，再裝埋Case-Cam專用嘅app後，以後要點自拍都冇問題啦！但大家都會問，除了可以自拍得更好更方便，影之前我都想睇吓個景同個企位啵！無問題，只要同樣安裝Case-Cam嘅app，用WiFi就可以連接到任何一部智能手機同平板電腦上面，IOS同Android都支援到架！

 

 

 

 

 

 

 

 

 

 

 

 

 

 

 

 

 

 

 

 

 

以前就話唔記得帶個遙控器出街，宜家呢個一體化嘅外殼加上自拍軟件，絕對唔會有唔記得拎或者冇電嘅情況出現啦！

Ref:https://www.kickstarter.com/projects/garett/casecam-the-remote-controlled-iphone-tripod

Comments

comments

Powered by Facebook Comments