熱愛洗澡的鍵盤？

近排成日都見到好多關於防水手機既新聞，當然有時冇野做會傻下傻下諗，如果其他電子產品都可以防水既話幾咁方便呢？

上網睇睇吓野，比我發現左Logitech K310呢一個可水洗既鍵盤喎！呢個正丫！可以直接水洗，咁就唔怕倒左啲野飲落去啦！

點解我會因為一個防水鍵盤而咁開心？你知道一個普通鍵盤入左水，有幾麻煩嗎?雖然你可以用防水膠膜，但用過你就知手感幾咁差啦！而最重要當然係人總是懶惰，會好易skip過左唔想理，咁個keyboard就會好dirty，惹來一大堆蛇蟲鼠都咪話唔驚>_<

咁我望吓個鍵盤，首先當然係睇吓個樣先啦！黑色底配白色制設計幾靚仔，啲制又做得圓圓地幾可愛，唔錯唔錯！原來個鍵盤可以成個放入水裡面洗架喎！（最深３０ｃｍ）好野，直頭係懶人專用丫。個底仲有排水孔唔洗驚啲水入左去出唔番黎變臭臭架～

好多人會擔心鍵盤用用吓啲字會甩色，但唔洗驚～Logitech K310鍵盤按鍵字符係用左雷射列印同UV保護覆膜，所以啲字係唔會因為用得多同洗得多而變到濛茶茶架～

功能方面同樣唔錯，有１２個熱鍵，可以即刻開到啲常用既程式架！上網、電郵、大細聲等等都有，而且斜度又係可以調整到自己最岩心水既位置，加上USB即插即用，相信唔小成日大頭蝦會倒瀉野既人一定會好鍾意啦！

其實二百幾蚊呢個價錢，有時諗唔到送咩禮物比人送呢樣都唔錯丫！反正又抵又實用～！

comments

PUFF.HK 流行食玩樂資訊媒體