抖啖大氣 週末自由行

每年都可以去到一次旅行，對好多打工仔嚟講係一件令人羨慕嘅事！就好似外國月亮份外圓嘅心態，大家覺得只要離開香港，每一啖嘅空氣都來得幸福。如果你連國外嘅空氣都十分嚮往的話，呢個空氣清新機包你唔洗出門都感受到世界各地嘅空氣。

 

 

 

 

 

 

 

 

 

 

 

 

 

 

唔可以成日去旅行都唔緊要，有時想要懷念一下旅行嘅點滴，但只係睇相係點夠架，用埋呢個由台灣設計師鄧培志所設計嘅空氣清新機Air Globe啦！除咗淨化空氣嘅基本功能之外，更可以調校不同溫度和濕度去營造不同嘅環境，令你可以選擇置身一個你喜歡的國家溫度。香港位於赤道又近海邊，空氣又熱又潮濕，同一啲內陸嘅地區好唔同，而不同的濕度都會令人有不同嘅感覺。冇大假都可以享受吓，好好放低工作，重新投入旅行嘅心情。

 

Air Globe中間表面係一層浮觸控螢幕，將想體驗嘅地區移到標靶範圍內，再自設體驗當地當日不同時段嘅天氣，就算屋企出面落緊大雨，都可以感受到沙漠乾爽嘅熱情；又或者在嚴寒嘅冬天裏，留番喺屋企享受外國盛夏嘅海風。如果喺屋企播啲動聽撩人嘅音樂，一個悠閒嘅週末就會變得更有意思。設計師本來想加入氣味嘅元素，但礙於氣味都係一個比較主觀性嘅元素，所以暫時都未有加入Air Globe入面。

 

 

 

 

 

 

 

 

 

 

 

 

Air Globe暫時係伊萊克斯嘅DESIGN LAB設計大賽比賽中，而獨特嘅創新和想法，相信會吸引到不少支持者。

 

Ref: http://electroluxdesignlab.com/2014/submission/air-globe/#stage-2

Comments

comments

Powered by Facebook Comments