愛乾淨指數100分？　沙律包裝「Sally」唔怕整污糟衫！

醬包呢樣嘢喺我哋嘅生活裡面差唔多日日都會用到，尤其係鍾意健康嘅女仔，因為朝早好可能會以沙律嚟代替其他食物。但係充滿醬汁嘅醬包就好似計時炸彈咁，一個唔小心就爆到自己成身都係！點算好？沙律包裝「Sally」就絕對變成你嘅好幫手啦！

 

呢個咁可愛既包裝係由韓國設計師Chae Seung Kwan等人研發出嚟，基於每個人食沙律之前實要打開蓋，而打開蓋前又一定要拎開隻叉先架啦！呢個包裝精髓正正在於「拎隻叉出嚟」呢一個動作啦！究竟呢一吓動作有咩咁特別？原來係因為「Sally」嘅包裝上面呢隻好似蝸牛咁可愛嘅叉，叉嘅下面正正係沙律用嘅醬汁，當食沙律前輕輕一拉隻叉，啲醬就會飛落去啲沙律到啦！（怕mix好醬汁同沙律時會整污糟衣服嘅仲可以拎住個盒輕輕搖吓，搖到mix好先開盒就唔驚整污糟啦！）

呢個咁可愛嘅設計睇落去好似一隻蝸牛坐左喺沙律上面咁，完全配合出清新嘅主題，而且呢個設計仲獲得「2013年德國紅點設計大獎」嘅肯定架！雖然目前只係概念設計，但係睇嚟都相當多人會希望喺市場上面見到佢嘅出現啦！乾淨之餘仲避免左好多衣服嘅無謂犧牲！

Comments

comments

Powered by Facebook Comments